Jedem Wetter trotzend veranstaltete der Cevi Volketswil-Schwerzenbach diesen Sonntag einen Gottesdienst im Wald – stilecht mit Äste-Kreuz und Blachen-Dach.
Besinnungs-Gedicht
von Hansjakob Schibler
Für das, wienych ha dörfe schryybe
Dass mir im Wald dien hängge blyybe
Isch d Idee scho zimlig alt
Jetz verwirklichere mir si halt
S brucht denn schone gueti Plaanig
Fürs Wo und Wie e gwüssi Aanig
D Praxis aber zaigt denn erscht
Ob me d Technik au beherrscht
Hebt denn ächt die glaini Tanne
Wenn mir s Sail dergege spanne
Verletzt sich bi däm letschte Knote
Nit no öbber syni Pfote
Me wüsst um alles in dr Wält
Gärn halt s Gwicht vo däne Zält
Und ob si, wenn si nass dien wärde
Nit abefliege flach uff d Ärde
Womöglig, wenn vo däne Goofe
Znacht e paar no drunter schloofe
Viili Sache sin no offe
Trotzdäm darf me wirglig hoffe
Dass s Eschtli nit grad denn furtspiggt
Wenn dr Nägschd uff d Laitere stigt
Dass däm Bueb, wo s Beili schwingt
En andere nit ans Schiinbei gingt.
Doch glaubet mir, die Cevianer
Sin wirglig ganz patänti Planer
Es kunnt, dasch sicher bi däm Muet
Bis am Schluss no alles guet
Uff jede Fall isch ai Gedangge
Däm Cevi jetz scho ganz fescht z dangge
Für alli Mie, fürs Rede, Singe
Und soviil Lüt do zämme z bringe
Unter em Dach vo däne Blache
Wo hoffentlig nit abekrache
Uns allne isch derzue dra gläge
Au Gott no z bitte um dr Säge.